Tanishtirib qo‘yay Baxt bilan…

БАХТ БИЛАН ТАНИШУВ

Қаерларда адашдинг, Дийдор?
Бир чеҳрани ёмон соғиндим.
Кел, ёнимда гуллагин, дилдор,
Сенсиз баҳорлардан оғриндим.

Томчилари тоғлардан оғир,
Юрагимни айламиш нишон,
Кўз юртингда тинмайди ёмғир,
Қуёш менинг қўлимда, ишон.

Исмимни айт, тонглар уйғонсин,
Мени эсла – кулсин ҳаётинг.
Хотиралар кўнглингни олсин,
Асраб келар умримни ёдинг.

Тўйгунича ёғиб олсин, деб
Тан бериш йўқ қору дўлларга.
Тунлари ҳам ёруғ бўлсин, деб
Юлдуз ёқиб қўйдим йўлларга…

Улуғ ишга боғлаганман бел,
Йўлга чиқдим азиз аҳд билан.
Кўзим нури, сен ҳам тезроқ кел,
Таништириб қўяй Бахт билан.

2007 йил 12 май

Беҳзод ФАЗЛИДДИН

#Эски_дафтардан
Муаллиф қўлёзмаси

BAXT BILAN TANISHUV

Qayerlarda adashding, Diydor?
Bir chehrani yomon sog‘indim.
Kel, yonimda gullagin, dildor,
Sensiz bahorlardan og‘rindim.

Tomchilari tog‘lardan og‘ir,
Yuragimni aylamish nishon,
Ko‘z yurtingda tinmaydi yomg‘ir,
Quyosh mening qo‘limda, ishon.

Ismimni ayt, tonglar uyg‘onsin,
Meni esla – kulsin hayoting.
Xotiralar ko‘nglingni olsin,
Asrab kelar umrimni yoding.

To‘ygunicha yog‘ib olsin, deb
Tan berish yo‘q qor-u do‘llarga.
Tunlari ham yorug‘ bo‘lsin, deb
Yulduz yoqib qo‘ydim yo‘llarga…

Ulug‘ ishga bog‘laganman bel,
Yo‘lga chiqdim aziz ahd bilan.
Ko‘zim nuri, sen ham tezroq kel,
Tanishtirib qo‘yay Baxt bilan.

2007-yil 12-may

Behzod FAZLIDDIN

Добавить комментарий

Ваш e-mail не будет опубликован.