Behzod Fazliddin. Onam yozolmagan she’r (Matn+video)

ОНАМ ЁЗОЛМАГАН ШЕЪР

Сочларимда оқ гуллар,
Кел, уларни тер, болам.
Йўлингга муштоқ йўллар,
Болам бўлиб бер, болам.

Кўксимга Ой беркитдим,
Юлдузларга чой тутдим.
Отангдан ҳам кўп кутдим,
Бахтим бўлиб бер, болам.

Титраган созингни қўй,
Бўғиқ овозингни қўй.
Қалам-қоғозингни қўй,
Ўғлим бўлиб бер, болам.

Йўл учун туққанмидим,
Гул учун туққанмидим,
Пул учун туққанмидим,
Борим бўлиб бер, болам.

Қалдирғоч синглинг беҳол,
Қанотидан хатни ол.
Ишинг кўпдир, эҳтимол,
Келмай қўявер, болам…

2006 йил 26 август
Беҳзод Фазлиддин

Видеони томоша қилиш учун линкни босинг: Behzod Fazliddin. Onam yozolmagan she’r

 

Тармоқда баъзи шеърларни матни ва видеоси билан бериб боришга ҳаракат қиляпмиз. Хоҳласангиз, YouTubeдаги саҳифа-каналимизга аъзо бўлиб, кузатиб боринг.

ONAM YOZOLMAGAN SHE’R

Sochlarimda oq gullar,
Kel, ularni ter, bolam.
Yo‘lingga mushtoq yo‘llar,
Bolam bo‘lib ber, bolam.

Ko‘ksimga oy berkitdim,
Yulduzlarga choy tutdim.
Otangdan ham ko‘p kutdim,
Baxtim bo‘lib ber, bolam.

Titragan sozingni qo‘y,
Bo‘g‘iq ovozingni qo‘y.
Qalam-qog‘ozingni qo‘y,
O‘g‘lim bo‘lib ber, bolam.

Yo‘l uchun tuqqanmidim,
Gul uchun tuqqanmidim,
Pul uchun tuqqanmidim,
Borim bo‘lib ber, bolam.

Qaldirg‘och singling behol,
Qanotidan xatni ol.
Ishing ko’pdir, ehtimol,
Kelmay qo‘yaver, bolam…

2006-yil 26-avgust
Behzod Fazliddin

Videoni tomosha qilish uchun linkni bosing: Behzod Fazliddin. Onam yozolmagan she’r

Tarmoqda ba’zi she’rlarni matni va videosi bilan berib borishga harakat qilyapmiz. Xohlasangiz, YouTubedagi sahifa-kanalimizga a’zo bo‘lib, kuzatib boring.

Опубликовать в Facebook
Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс
Ўқишлар сони: 671

Добавить комментарий

Ваш e-mail не будет опубликован. Обязательные поля помечены *