Ko‘nglimni Ollohga beraman!

ЧИН СЕВИШ

Кўнглимни кимларга бермадим,
Топганим гард бўлди, дард бўлди.
Мен суйиб рўшнолик кўрмадим,
Севилиб енгганлар мард бўлди.

Бахт ваъда айлади хобларим,
Туш кўрдим ойларнинг қизини.
Соғиниб яшади лабларим
Турланган гулларнинг юзини.

Гулларга энг гўзал ранг – вафо,
Бас, рангсиз гулларни севмайман!
Истарим – илоҳий бир зиё,
Ўзгага кўнглимни бермайман.

Чин севмоқ – покланмоқ эмасми?
Мен суйиб покланиб бораман.
Севмаса севмасин бандаси,
Кўнглимни Оллоҳга бераман,
Кўнглимни Оллоҳга бераман!

2002

Беҳзод ФАЗЛИДДИН      

#Эски_дафтардан
Муаллиф қўлёзмаси

CHIN SEVISH

Ko‘nglimni kimlarga bermadim,
Topganim gard bo‘ldi, dard bo‘ldi.
Men suyib ro‘shnolik ko‘rmadim,
Sevilib yengganlar mard bo‘ldi.

Baxt va’da ayladi xoblarim,
Tush ko‘rdim oylarning qizini.
Sog‘inib yashadi lablarim
Turlangan gullarning yuzini.

Gullarga eng go‘zal rang – vafo,
Bas, rangsiz gullarni sevmayman.
Istarim – ilohiy bir ziyo,
O‘zgaga ko‘nglimni bermayman.

Chin sevmoq poklanmoq emasmi?
Men suyib poklanib boraman.
Sevmasa sevmasin bandasi,
Ko‘nglimni Ollohga beraman,
Ko‘nglimni Ollohga beraman!

2002

Behzod FAZLIDDIN

Добавить комментарий

Ваш e-mail не будет опубликован.