Hayf

ҲАЙФ

Дийданг қотиб борар, юрак тошланиб,
Ёниб-куйишингдан кимга нима наф?
Эсиз аччиқ-аччиқ кўзинг ёшлари,
Кўнглингнинг беғараз оҳ-додлари ҳайф.

Бир лаҳза тинмакка ўзни қўймадинг,
Ўйладинг, оқибат нени ўйладинг,
Беҳуда чирандинг, бекор сўйладинг,
Сўзингнинг қалампир, новвотлари ҳайф.

Қул эмас, ботирлар туғгувчи йўқми,
Бузғунч бул ғояни бўғгувчи йўқми,
Магарки муносиб ўқувчи йўқми,
Довоту қоғози – ижодлари ҳайф.

Дарё узра сувга зор бўлиб ўтса,
Кенг дунё кўзига тор бўлиб ўтса,
Ҳақиқат ҳажрида хор бўлиб ўтса,
Бу халққа қайишмас беҳ зодлари ҳайф!

2012

Беҳзод ФАЗЛИДДИН

HAYF

Diydang qotib borar, yurak toshlanib,
Yonib-kuyishingdan kimga nima naf?
Esiz achchiq-achchiq ko‘zing yoshlari,
Ko‘nglingning beg‘araz oh-dodlari hayf.

Bir lahza tinmakka o‘zni qo‘ymading,
O‘ylading, oqibat neni o‘ylading,
Behuda chiranding, bekor so‘ylading,
So‘zingning qalampir, novvotlari hayf.

Qul emas, botirlar tug‘guvchi yo‘qmi,
Buzg‘unch bul g‘oyani bo‘g‘guvchi yo‘qmi,
Magarki munosib o‘quvchi yo‘qmi,
Dovot-u qog‘ozi – ijodlari hayf.

Daryo uzra suvga zor bo‘lib o‘tsa,
Keng dunyo ko‘ziga tor bo‘lib o‘tsa,
Haqiqat hajrida xor bo‘lib o‘tsa,
Bu xalqqa qayishmas beh zodlari hayf!

2012

Behzod FAZLIDDIN

Добавить комментарий

Ваш e-mail не будет опубликован.