Boladay suyunar ma’yus ko‘ngillar…

ҲАЙИТ

Бунчалар бебаҳо Бахтнинг бўйлари!
(Бу ҳолни ғам юки босганлар билар…)
Бирдан кийиб олиб шодлик кўйлагин,
Боладай суюнар маъюс кўнгиллар.


Тасбеҳ айтаверсам, зикр этаверсам,
Ёдингга кўмилиб кетса баётим.
Берсангу бермасанг – шукр этаверсам,
Ибодатга дўнса бутун ҳаётим;

Ҳар гапим сўзларнинг сараси бўлса,
Катта кетмасам ҳам майдалашмасам.
Маконим маънолар ораси бўлса,
Дунё талашмасам, жоҳ талашмасам;

Мадор бериб турсанг, ҳолсизлатмасанг,
Юрак тўхтамаса севишдан бир он.
Ўзимга қўймасанг, ёлғизлатмасанг,
Сенинг дўстларингга дўст тутинса жон;

Буюк таскин ила кўнглим шодласанг,
Давлатманд айласанг қаноат билан.
Фақат, фақат Ўзинг мукофотласанг
Икки дунёга тенг Саодат билан…

Беҳзод ФАЗЛИДДИН

HAYIT

Bunchalar bebaho Baxtning bo‘ylari!
(Bu holni g‘am yuki bosganlar bilar…)
Birdan kiyib olib shodlik ko‘ylagin,
Boladay suyunar ma’yus ko‘ngillar.


Tasbeh aytaversam, zikr etaversam,
Yodingga ko‘milib ketsa bayotim.
Bersang-u bermasang – shukr etaversam,
Ibodatga do‘nsa butun hayotim;

Har gapim so‘zlarning sarasi bo‘lsa,
Katta ketmasam ham maydalashmasam.
Makonim ma’nolar orasi bo‘lsa,
Dunyo talashmasam, joh talashmasam;

Mador berib tursang, holsizlatmasang,
Yurak to‘xtamasa sevishdan bir on.
O‘zimga qo‘ymasang, yolg‘izlatmasang,
Sening do‘stlaringga do‘st tutinsa jon;

Buyuk taskin ila ko‘nglim shodlasang,
Davlatmand aylasang qanoat bilan.
Faqat, faqat O‘zing mukofotlasang
Ikki dunyoga teng Saodat bilan…

Behzod FAZLIDDIN

Добавить комментарий

Ваш e-mail не будет опубликован.