Men emas…


Мен эмас, хаёл у – сени ўйлаган,
Зор кўзлар – йўлингни пойлаб тўймаган,
Кўнгил у – кўнглингни қўмсаб куйлаган,
Мен эмас.

Қўлларим қўлингга етмоқ истади,
Йўлларим йўлингдан кетмоқ истади,
Ҳар нега қистаса, юрак қистади,
Мен эмас.

Тушларим ойнаи жаҳон бўлдилар,
Васлингга йўл излаб ниҳон бўлдилар,
Ортингда орзулар сарсон бўлдилар,
Мен эмас.

Ҳамма гап кўнгилда – кўнгил олисда,
Гоҳида афтода, гоҳи олифта,
Кўнгилсиз кўнглингга кўнгил ошуфта,
Мен эмас!..

2012

Беҳзод ФАЗЛИДДИН

“Тушларингдан чиқиб келдим” китобидан.


Men emas, xayol u – seni o‘ylagan,
Zor ko‘zlar – yo‘lingni poylab to‘ymagan,
Ko‘ngil u – ko‘nglingni qo‘msab kuylagan,
Men emas.

Qo‘llarim qo‘lingga yetmoq istadi,
Yo‘llarim yo‘lingdan ketmoq istadi,
Har nega qistasa, yurak qistadi,
Men emas.

Tushlarim oynayi jahon bo‘ldilar,
Vaslingga yo‘l izlab nihon bo‘ldilar,
Ortingda orzular sarson bo‘ldilar,
Men emas.

Hamma gap ko‘ngilda – ko‘ngil olisda,
Gohida aftoda, gohi olifta,
Ko‘ngilsiz ko‘nglingga ko‘ngil oshufta,
Men emas!..

2012

Behzod FAZLIDDIN

“Tushlaringdan chiqib keldim” kitobidan.

Добавить комментарий

Ваш e-mail не будет опубликован.