Meni mendan qutqar, O‘zingga band qil…


Бу хатолар, аччиқ хатолар
Ҳузурингга очиб берди йўл,
Саволларга дуч келдим нуқул,
Юрагимда сассиз садолар.

Қанотларим куйиб пастладим –
Баланд уча олмас ёлғизлар,
Мудом йўқлик изимни излар,
Ўзгинамни Сенга асрадим.

Қўлда қолиб кетди дуолар –
Нима бўлди? Нима жин урди?
Кипригимга азоб ин қурди,
Энди мени дардлар даволар.

2008


Ризқим тош бўлса ҳам, ҳалол эт – қанд қил,
Мени мендан қутқар, Ўзингга банд қил.
Тубанда юзимни йўқотаёздим,
Мени юрагимдан бошлаб баланд қил.

2007

Беҳзод ФАЗЛИДДИН


Bu xatolar, achchiq xatolar
Huzuringga ochib berdi yo‘l,
Savollarga duch keldim nuqul,
Yuragimda sassiz sadolar.

Qanotlarim kuyib pastladim –
Baland ucha olmas yolg‘izlar,
Mudom yo‘qlik izimni izlar,
O‘zginamni Senga asradim.

Qo‘lda qolib ketdi duolar –
Nima bo‘ldi? Nima jin urdi?
Kiprigimga azob in qurdi,
Endi meni dardlar davolar.

2008


Rizqim tosh bo‘lsa ham, halol et – qand qil,
Meni mendan qutqar, O‘zingga band qil.
Tubanda yuzimni yo‘qotayozdim,
Meni yuragimdan boshlab baland qil.

2007

Behzod FAZLIDDIN

Добавить комментарий

Ваш e-mail не будет опубликован.