Ҳеч нарсага тўлиб бормоқда олам…


На севги, на нафрат, на шодлик, на ғам…
Тобора баридан мосуво юрак.
Ҳеч нарсага тўлиб бормоқда олам,
Бу қандай ишора, бу недан дарак?

На ишонч, на исён ва на итоат…
Гўё бутун борлиқ бўшлиқ билан банд.
Табиат Тангридан кутмас иноят,
Дунё борган сари кофирга монанд.

На илҳом, на ижод, на амал, на сўз…
Баримиз золим-у баримиз мазлум.
Пушмонлар тўзони очирмайди кўз,
Ҳозирча умримиз ҳечликка маҳкум.

2012


Ҳар лаҳза тийилиш азобига банд,
Юрак – қафасдаги некбин орзуманд.
Зулмат мил тортишга чоғланар ҳарчанд,
Мудом шамси анвар кўзимга пайванд.

2010

Беҳзод ФАЗЛИДДИН


Na sevgi, na nafrat, na shodlik, na g‘am…
Tobora baridan mosuvo yurak.
Hech narsaga to‘lib bormoqda olam,
Bu qanday ishora, bu nedan darak?

Na ishonch, na isyon va na itoat…
Go‘yo butun borliq bo‘shliq bilan band.
Tabiat Tangridan kutmas inoyat,
Dunyo borgan sari kofirga monand.

Na ilhom, na ijod, na amal, na so‘z…
Barimiz zolim-u barimiz mazlum.
Pushmonlar to‘zoni ochirmaydi ko‘z,
Hozircha umrimiz hechlikka mahkum.

2012


Har lahza tiyilish azobiga band,
Yurak – qafasdagi nekbin orzumand.
Zulmat mil tortishga chog‘lanar harchand,
Mudom shamsi anvar ko‘zimga payvand.

2010

Behzod FAZLIDDIN

Добавить комментарий

Ваш e-mail не будет опубликован.