Qanday yurak ochay yuraksizlarga?..

БОЗОР

Бугун ҳам Пул эмас, Нур излаб чиқдим,
Нигоҳларим тоза – кўзимда тўр йўқ.
Яна назари оч тўпга йўлиқдим,
Одамман деган кўп, юзида нур йўқ.

Қандай юрак очай юраксизларга,
Наҳот шуларни деб тўкмоқчиман тер?
Ёрдам бергим келар маҳбус сўзларга,
Гаплар осмондадир, пойгакларда Шеър.

Яшаш ҳадисини билмасман, балки,
Инсонлик илмидан олурман таълим.
Ҳалолликдан сабоқ берарми ёки
Ўзи амал қилмас Ҳаётмуаллим?

Тошларни чайнашга темир тишим бор,
Чўкиб кетмасликка топарман қудрат.
Меншунослар билан нима ишим бор,
Бу йўлдан кўз юмиб ўтгим йўқ фақат…

2008

Беҳзод ФАЗЛИДДИН

Шеърни YouTubeда тинглаш. Муаллифнинг ўзи ўқиган.

BOZOR

Bugun ham Pul emas, Nur izlab chiqdim,
Nigohlarim toza – ko‘zimda to‘r yo‘q.
Yana nazari och to‘pga yo‘liqdim,
Odamman degan ko‘p, yuzida nur yo‘q.

Qanday yurak ochay yuraksizlarga,
Nahot shularni deb to‘kmoqchiman ter?
Yordam bergim kelar mahbus so‘zlarga,
Gaplar osmondadir, poygaklarda She’r.

Yashash hadisini bilmasman, balki,
Insonlik ilmidan olurman ta’lim.
Halollikdan saboq berarmi yoki
O‘zi amal qilmas Hayotmuallim?

Toshlarni chaynashga temir tishim bor,
Cho‘kib ketmaslikka toparman qudrat.
Menshunoslar bilan nima ishim bor,
Bu yo‘ldan ko‘z yumib o‘tgim yo‘q faqat…

2008

Behzod FAZLIDDIN

She’rni YouTubeda tinglash. Muallifning oʻzi oʻqigan.

Добавить комментарий

Ваш e-mail не будет опубликован.