Юрагимнинг ярми қаерда?..


Ёлғиз-ёлғиз хаёллар сурдим,
Маломатнинг ҳиди ҳар ерда.
Тушларимда тентираб юрдим –
Юрагимнинг ярми қаерда?

Шовуллайди беором боғлар,
Ҳар япроқда ҳасрат гупурса.
Уваланиб кетарди тоғлар,
Бир азиз бош елкамда турса…

Азоб роҳат қилар қонимда,
Сингиб борар жонга нур тафти.
Учай дейман – йўқсан ёнимда,
Қайлардасан, қанотим жуфти?

2009

Беҳзод ФАЗЛИДДИН

“Тушларингдан чиқиб келдим” китобидан.

Добавить комментарий

Ваш e-mail не будет опубликован.